Rainbow Wong Podcast

加拿大機票已經唔平，四大機場如果引入私人營運，乘客會得到更好嘅服務，定係要付更多錢？今集 Canada Weekly，由機場、街道安全，講到工作保障同屋企換熱泵。一齊睇吓，呢幾單新聞同我哋生活有咩關係。✈️ 四大機場改營運，乘客會付更多？政府保留機場擁有權，引入私人投資參與營運，究竟代表乜？機場靠咩賺錢？私人公司要回報，乘客嘅收費又由邊個把關？🗳️ 溫哥華街道安全投票，投完可以改變乜？公開吸毒，現有法律唔係已經可以管？點解仲要問市民支唔支持「加強法律」？今集拆解市政府想增加嘅措施，以及市政府同省政府各自可以做啲乜。呢次係不具約束力嘅意向投票，投票本身唔會直接改變法律。🏭 鋼廠承諾保就業，裁員之後政府追唔追究到？美國公司收購加拿大鋼廠 Stelco，當初作出保就業承諾，依家面對裁員爭議。政府批准收購時要求嘅承諾，到底有幾大約束力？工人嘅保障又喺邊？🏠 Quick News｜換熱泵最高補貼一萬蚊新補貼計劃講緊乜？「最高一萬蚊」係咪人人都有？了解補貼時，收入資格、適用設備同申請時間，都要一齊睇。你最關心邊一樣：機票價錢、街道安全、工作保障，定屋企能源開支？留言同我分享。 合作邀約： rainbowonfilm@gmail.comDM: IG @rainbowwong

📰 本集內容① Alberta／Quebec：點解又講分家？支持獨立嘅政黨勝選，唔等於居民已經投票決定離開加拿大。真正分離，仲要經過民意、談判同憲法程序。② 加拿大成立AI Council：做嘢快咗，生活會唔會好咗？政府想推動AI應用，但慳返嘅時間，最後係員工受惠，定變成更多工作？培訓、責任同勞工保障值得點樣追問？③ BC 10月17日同24日：到底投緊乜？地方選舉同省選，選嘅代表唔同，管嘅事亦唔同。醫療、房屋、物業稅、垃圾同社區設施，應該問邊級政府？④ Richmond 25年後換市長馬保定不再競逐連任。睇候選人，除咗口號，仲可以點樣比較佢哋嘅方案、成本同往績？⑤ Quick News：CGEB＋OAS食品及日常必需品福利、老人保障金嘅付款提醒。最高金額唔等於人人實收，記得查自己嘅資格同帳戶通知。💬 你最想再了解公投程序、選舉制度，定係AI對工作嘅影響？歡迎留言話我知。我係Rainbow，一個由香港移居加拿大、想了解自己居住地方。每星期用廣東話，同大家拆解新聞背後發生緊乜。

加拿大移民方向，又可能有變？ 總理提到考慮恢復「有控制嘅人口增長」，但未公布新配額。對準備移民、或者等緊 PR 嘅人，下一步應該留意啲咩？ 今集 Canada Weekly EP06，亦會講美加貿易戰、加拿大能源出口，同點解減息都未必容易上車。 一齊拆解新聞背後，究竟點樣影響我哋嘅工作、家庭同將來嘅安排。 🎬 新一集已上架！ 你最關心移民、工作，定係房屋？留言話我知。

2024年先啱啱選完，點解BC省2026年又突然要投票？今個星期 BC 特別多大新聞。BC政府正式向 OpenAI 提出法律訴訟；同一個星期，David Eby 宣布提前省選，10月24日 BC 又要再投票。(拍攝日期: 2026年9月24日)今集 Canada Weekly，我哋亦會講：🇨🇦 BC政府正式告 OpenAI🗳️ 2024先選完，點解BC 2026又可以提前省選？🪪 加拿大 Driver’s Licence 資料外洩調查🇺🇸 Trump想向 Belarus 買平價 potash，加拿大會受幾大影響？🇬🇱 美國、Denmark同Greenland簽署新北極安全協議💵 加元持續轉弱，美國 Federal Reserve 又再加息 Canada Weekly 每個星期用廣東話，幫你整理加拿大同北美洲真正值得知道嘅新聞。如果你冇時間日日追新聞，但又唔想同世界脫節，記得 Subscribe 🔔時事，唔止係新聞；亦係生活。

🇨🇦 Canada Weekly EP04加拿大明明喺北美，點解偏偏喺美加關係轉變嘅時候，同Europe愈行愈近？今個星期如果要用一個字去串連幾單加拿大新聞，我會揀：Diversification 多元化、增加選擇。今集我哋由Canada × EU開始，睇下EU提出嘅「associate member」到底係咩、同美加貿易關係有冇關；再睇部分加拿大超市點樣開始調整供應鏈，以及加拿大點解正式申請加入JEF（Joint Expeditionary Force／聯合遠征軍）。另外仲會講：🇨🇦🇺🇦 Canada × Ukraine加拿大唔只係支援Ukraine，仲開始參考Ukraine嘅實戰經驗，建立自己嘅Drone（無人機）產業同採購平台。💰 Canada Investment Summit政府所講接近$500 billion投資承諾，係咪真係有5,000億現金已經投咗落加拿大？同埋Toronto Pearson、YVR、Montréal、Calgary四大機場引入私人資本，係咪即係「賣機場」？🤖 Canada × Germany｜LawZero加拿大計劃投入$150M，德國計劃投入€100M，研究一種「safe-by-design」AI。點解當大家都想AI做更多決定，呢個研究方向反而強調AI唔應該自己追求目標？🇨🇦BC｜Ksi Lisims LNG一個仲未正式營運嘅BC LNG項目，點解已經提前簽一份最長20年嘅海外買家協議？加拿大天然氣出口又係咪開始由美國走向更多國際市場？🏠 Quick News｜Housing樓市冷卻，點解CMHC反而警告加拿大可能起少咗樓？加拿大每年究竟需要起幾多新屋，先有機會回到疫情前嘅housing affordability？

🇨🇦《Canada Weekly》如果你今個星期冇時間逐單新聞追，我幫你整理咗幾件值得知道、亦比較容易被Headline誤解嘅加拿大新聞。今集仲有少少特別, 我係Camping途中錄影，所以YouTube嘅朋友會見到一個同平時唔同嘅背景；Podcast嘅朋友如果聽到少少風聲、雀仔聲或者營地環境聲，就當今集一齊喺Camp傾新聞 😆今集包括：🇨🇦🇺🇸 加拿大新一輪反制關稅正式生效：15%、25%、50%究竟點計？🇺🇸 美國再升級措施：部分加拿大產品9月29日起面對入口禁令💼 加拿大8月Employment減少42,000, 係咪即係42,000人被裁員？🏦 Bank of Canada維持政策利率2.25%不變⛽ 原本要恢復嘅每公升10仙聯邦汽油稅，點解又延期？🚆 加拿大投資超過$4.7B，買313架新VIA Rail客運車卡🌧️ Nova Scotia Cape Breton水災最新情況💵 加拿大新版$20紙幣正式亮相，King Charles III登場🇨🇦 持Work Permit人士讀短期課程，有一項新臨時措施呢個系列唔係想逐個Headline讀一次。我更加想做嘅係：「Headline係咁寫，但睇返原始資料，實際上係點？」所以每星期我會盡量翻查加拿大政府、Statistics Canada、Bank of Canada等官方資料，再用加拿大本地主要新聞媒體作交叉核實，希望用廣東話將新聞嘅背景、數字同容易誤解嘅地方講清楚。📌 本集主要資料截至錄影當日（2026年9月10日）。新聞持續發展，最新政策及措施請以相關官方機構公布為準。本影片只作新聞及資訊整理，不構成投資、移民、法律或其他專業建議。

新聞時間範圍：約 2026年8月26日– 9月1日 今集包括： 💰 加拿大Q2 GDP增長0.8%，點解新聞又會寫3.3%？ 🏦Bank of Canada維持政策利率2.25%不變 🗳️Liberal三場聯邦補選全部勝出 🟦Alberta 10條公投問題開始寄出郵寄選票, 但10月19日並唔係正式「獨立公投」 🦠加拿大延長Ebola臨時邊境措施至9月28日 🌏加拿大喺Victoria主持Indo-Pacific Chiefs of Defense Conference 🗺️Google Maps正式公布Lake Ontario／Lake America會點顯示 ✈️加拿大國內航空客流上升，美國跨境航線仍然低過兩年前 🔥BC山火Emergency結束 🇭🇰Hong Kong PR Pathway正式停止接受新申請

新聞時間範圍：約 2026年8月13–27日 今集包括：🇨🇦🇺🇸 美加貿易談判破裂，美國50%關稅正式生效，加拿大宣布反制🇺🇸 Trump簽署行政命令，要求美國聯邦政府將 Lake Ontario 改稱「Lake America」🔥 加拿大2026山火季最新情況💰 加拿大7月通脹升至3%，9月Bank of Canada議息要留意咩？⚜️ Quebec正式進入省選，PQ繼續領先民調🏠 加拿大樓市成交連續第四個月回升，但樓價係咪真係反彈？⚽ World Cup之後，第一批加拿大旅遊數據出爐🇭🇰 Hong Kong PR Pathway 8月31日停止接受新申請